#حُصان_خيالَك
.....
1
علي خد الحُزن رسم الحبيب ورده
وبيحتفل بعيد ميلاد موتى النهارده
وواقف حداد على قبري
زعلان حيران وبيبكي
وكل دا تمثيل
علشان يقولوا أصيل
وجوه عينيه دمعه حُزن شارده
..
٢
دا اللي بيحلم بيه
وسنين بيخطط ليه
وانا ولا واخد بالي
عامل غلبان طوالي
وسايبه يدوس على قلبي
مانا مغلوب على أمري
مع اني بمكُر عليه
..
٣
#انا_عايش_لسه_ماموتش
#بمزاجي_كنت_بطنش
#ورقك_مكشوف_من_بدري
#وسيبتَك_تتسلَه_بقلبي
#وتركب_حُصاان_خيالَك
#مش_عارف_ايه_هيجرالَك
#دلوقتي_خلاص_هفنش
..
٤
خُد نفسك ومن سُكات
إمشي من غير حوارات
عملت مليون عِيبَه
انتهى زمن الطيبه
وإتعلم قلبي خلاص
ينسى اللي عليه داس
ودي أحلى النهايات
.....
#حُصان_خياالَك
حسن محمد علي