.....
بتسألني مالك
وقافل تليفوناتك ليه
رد عليا كلمنى
فيه ايه
..
عرفتى مكانى هنا إذاى
دا كل إللى يهمك
أه
..
..
انت بتتألم
اتكلم
..
عمرى ما شفت عينيك حيرانه وشارده
ولا شفت كوبايه الشاى بتاعتك بارده
..
..
انا اتعلمت منك الصبر
وعلمتنى ان الخير أكتر م الشر
لو ماقلتليش مالك همشى
ومش هتشوف وشى طول العمر
..
صعبان عليا اشوفك مكسور
وعايش إذاى لوحدك في مكان مهجور
مش هسيبك هنمشي سوى من هنا
وصدقني بعد الضلمه فيه نور
..
مش هسيبك لوحدك تتوجع
يا إما نعدى المحنه دى سوى
يا إما سوى الدنيا نودع
مفيش فرصه تفكر
عشان خاطرى المره دي كلامى اسمع
..
..
سلامتك وسلامة قلبك
ألف بعد الشر عليك
هفضل طول عمرى جنبك
الله حلوه اوى ضحكه عينيك
..
....
