خليك مدلعه بقلم الرائع حسن محمد علي

 #خليكِ_مدلعه

.....

خليكِ سايقه التُقل

وانا نفسي طويل

خايف في يوم يقِل

الحب الجميل

.. 

خليكِ مدلعه

ومبسوطه بجمالك

وفيا مولعه

هفضل شيلهالك

..

خليكِ ماشيه بتضحك

عينيكِ على حالي

وم الفرحه طاير قلبك

م اللي بيجرالي

..

خليكِ وخليكِ

وانا هفضل مستني

مش كتير عليكِ

كل الحب دا مني

..

يا أم رنه خلخال

ماشفتش ذيها

وضحكه تهد جبال

والورد على خدها

..

والشَعر طويل وجميل

أسمر بسمار الليل

وقوامها مالوش مثيل

يقولوا فيه مواويل

..

هصبر وأصبر كمان

تستاهل كل الصبر

وهكتب ع الجدران

إنه حبيب العمر

......

#خليكِ_مدلعة

حسن محمد على