#كأنك
.....
إتغيرتي
ماكلنا بنتغير
إتكبرتي
دا الشئ اللي يحير
..
كأنك واحده معرفهاش
كأنك دنيا ماعشتهاش
كأن قلبي ماحبهاش
مع اني عشانها أهد جبال
..
كأنك بحر مالوش شطأن
كأنك مرسي في وسط غيطان
كأني عليكي مش صعبان
ياللي في حبك قلبي أهو مال
..
كأنك كتاب من غير كلام
كأنك جواب مليان ألام
كأني قصيدة مليانه أوهام
إمته هحس براحه البال
..
كأنك شيطان بيتكلم
كأنك حالفه جرحك يعلم
كأني مش انسان بيتألم
وفي دنيا الصبر عايش رحال
..
كأنك سكه نهايتها سد
كأنك عاشقه جرحي بجد
عذابي معاكي مالهوش حد
وفجرك ليه عليا طال
..
#كأنك_رافضه_تسمعي_صوتي
#كأنك_حابه_صمتي_وسكوتي
#كأن_ولادتك_في_ساعه_موتي
#مع_اني_بحبك_حب_خيال
..
كأنك حلم أنا بحلم بيه
كأنك بحر أنا بغرق فيه
بقيتي عمر ندمت عليه
سبحان مغير الأحوال
.....
#كأانك
كلمات
حسن محمد علي
ليست هناك تعليقات:
إرسال تعليق