استغماية بقلم الزعيم حسن محمد علي

 #استغماية

.....

هو انا ليه ببكي كل أما أجي أغنيلك

ومع اني حافظ بنسى كل مواويلك

وبتوه في ملامحك وانا عاشق تفاصيلك

يا ألف حكاية مليانا بالأحزان

..

بجري وراكي وبتلاعبيني استغماية

يا ألف دمعه في وسط ضحكاية

يا شاربه المرار من عسل مسموم في كوبايه

يا قلب أخضر لسه بدري على التوهان

..

#يا_ألم_متفصل_علي_حُزنك_المجروح

#فيه_ايه_تاني_أكتر_من_أمَلِك_المدبوح

#يا_بيبان_مقفوله_علي_كل_شئ_مسموح

#حتي_في_صوتك_سكوتك_علي_حالك_زعلان

..

يا لابسه توب الحداد على نفسك من بدري

صعبان عليا حالك وقطر العمر بيجري

وأتارينا ذي بعض كل ما فينا بيبكي

ونسيت أعزى نفسي علي نفسي كمان

.....

#ااستغمايه

حسن محمد علي