بنت الزّعيم بقلم الرائع حسن محمد علي

 #بنت_الزعيم

.....

ذى النهارده

من شويه سنين

أول مره شُفتها

..

أجمل ورده

فى كل البساتين

هى اللى بكتبلها

.....

خايف عليكى م الأيام

خايف عليكى م الألام

من بٓعدى

..

خايف والخوف قاتلنى

ودايماً علطول شاغلنى

اه يانا يا غُلبى

.....

خايف من أبواب الشر المقفوله

لما تفتح بعد ما أموت

هتشوفي حاجات مهوله

وكله هيطلعله صوت

.....

#هتجيني_ع_القبر_تكلميني

#لا_هسمعك_ولا_تسمعيني

#وترجعي_مكسوره_الجناح

..

#والحسره_ماليا_قلبك

#ودموعك_بتجرح_خدك

#ماهو_سندك_راح

.....

خايف وانا اللي عمري ما خُفت

مانا ألف مليون صعب شُفت

انا أد كل الصعوبات

..

الخوف دا كله عليكي انتي

يابنت الزعيم يابنت قلبي

يا ست البنات

.....

النهارده عيد ميلادك ماتعيطيش

طول مانا جنبك متخافيش

عيشي واضحكي وإفرحي

..

دا حقك وحق عيلتي عليا

طول مانا عايش في الدنيا ديا

محدش هياخد مطرحي

.......

#بنت_االزعيم

حسن محمد على