( غضب كورونا )
ياضحكه وماتت من ساعة
ماأعلنت عن غضبها كورونا
حتى لو مكتتش صافيه أحسن
ما نهج م الحياه ونقول الحقونا
صبح اللى كانت مش عجباه
بيقول ليه عايزين تقتلونا
هنقولكم علي حاجه رجعوها
لينا تانى وإن إتكلمنا إبقوا سمونا
هى دى طبيعة البشر الطمع
جواها ووقت الشده أغيثونا
سلط علينا ربنا ناس محسوبين
علينا وهم اعداء مش من دمنا
صنعوا بكل ظلم فيروس يقتل
فرحنا وينشفوا الميه بحلقنا
بس اقولكم حاجه وبكل صراحه
إحنا نستاهل لإننا نسينا ربنا
مش معناه شمات بس حزين
علي نتيجة فكر عقلنا
الكل أباح كل شئ حسب
مزاجه والنهايه أهى لينا كلنا
عارف إن الكتير مننا غلابه
وملهمش فى الطمع وتكالب الدنيا
الكل عارف انها ظالمه وفانيه
قتلت إحساسنا ومفكرناش
ببعض مره في العمر لحظه أوثانيه
ناس عايشه في نعيم وناس
بتموت م الجوع كل لحظه والتانيه
والموت اهو صبح محاصرنا
عملتلك ايه قولى فلوسك
حرمت حق غلابه تكون
قريبه ليك ساعة موتك
تدعيلك دعوة مباشره فيها
نجاتك وبالشفاعه تنول قبولك
صبحنا جوا ضعاف وكل واحد
بيقول ياترى الدور على مين
أوامرك يارب فرض وسنه
وكلنا هنكون ليك مطيعين
زيح البلاء يامالك الكون
والسماء وكلنا طاعه وساجدين
اوامرك يارب سيف ع الرقاب
بس بنرحوك ترحمنا من العذاب
إحنا عبادك إمنحنا النجاه
و بلاش تقفل فى وشنا الباب
بقلمي /الشاعر محمد غبن
شاعر آل غبن
12/4/2020
ليست هناك تعليقات:
إرسال تعليق