خايفة تنطق ...بقلم الزعيم حسن محمد علي

 

#خايفه_تنطق

.....

بتلملم كلامها

من على جبين الخجل

بتلملم حُطامها

بخيبه أمل

..

وشها فى الأرض

ومكسوفه

خايفه تنطق

لكن ملهوفه

..

بتداري دمعه

باينه في عينيها

بتولع شمعه

طفيتها زمان بإيديها

..

جايه وقلبها مكسور

هتسامحني

جرحتك زمان بغرور

هتجرحني

..

ومين فينا مابيغلطشي

عديهالي

تعبت من غيرك ماقولكشي

ايه جرالي

..

هتفضل ساكت

تبقى لسه زعلان

حبيبتك ماتت

ولا لسه لي مكان

..

#خدها_في_حضنه

#ومات_من_فرحه_رجوعها

#ماإستحملش_قلبه

#يشوف_دموعها

.....

#خاايفه_تنطق

حسن محمد علي

#الزعيم