قصيدتي ب (العاميه) عن تجارة البشر وسرقة الأعضاء
جاى بتدبح ليه برئ
ماشى عابر للطريق
..قلب أهله نار عليه
قالو تايه أو غريق
...............
ليه بتدبح طفل يحبى
هو قلبك زى قلبى
ولا قلبك لونه ايه
.طب وهو ذنبه إيه
..............،
ليه بتقهر قلب أمه
.قلبها دايب بهمه
تسهر الليل خوف عليه
وانت متلطخ بدمه
...............
هان عليك والدم سال
وانت تقطع ف الطحال
تنزع الكبد اللى فيه
...ربك اللي خلقنا بيه
،،................
جاي بتاخد كليته
ولا حتى همك نظرته
فين معالم جثته
والعيون تبكى عليه
..................
هو ليه القلب جاحد
ولا زى الصخر جامد
وانت عادى بدم بارد
تقتل الروح اللى فيه
،،..،،،،،،،،،،،،،.......
هى دنيا والا غابه
فيها ناس زى الديابه
عاشقه دايما للفلوس.
لو على عد الرؤس
...........
ياللى قاتل ياللى جاني
ياللى سارق ياللي زاني
ياللي حارمنا الامانى
عيب وفيك مش ف السنين
...............
واللى خاين جوه ارضه
واللى فرط يوم فى عرضه
كل ده سارى ف زمانى
يقهر القلب الحزين
ليست هناك تعليقات:
إرسال تعليق