....
فى ضلمه الليل
قوم صلي لربنا ركعتين
ماتقولش لسه المشوار طويل
محدش ضامن عمره ثانيتين
..
إرمى حمولك من على كتفك
وانت بتسجد ل ربنا سجدتين
ربنا يفرح قلبك
بدل الفرحه اتنين
..
يارب حسن الختام
وإغفرلى كل الذنوب
دا مش بس كلام
يارب انا ناوى أتوب
..
وإحمينى من نفسى
وماتخلنيش أبات مغلوب
وطهرلى قلبي
يا ستير كل العيوب
..
خلينى قادر ع الشيطان
وردنى إليك رداً جميل
خلينى قارئ للقرآن
دا فيه الشفا لكل عليل
..
وطيب لسانى بالصلاة على الرسول الكريم
سيدنا محمد سيد الخلق أجمعين
يا من تقول للشئ كن فيكون يا رحمن يا رحيم
خلينى مواظب على طاعتك فى كل وقتا وحين
اللهم امين
....
ليست هناك تعليقات:
إرسال تعليق