حرف العين
الحلقة الثانية
قالت:أنا أقول لك باشمهندس عادل لأنك اكبر منى وفى نفس الوقت أستاذى إنما حضرتك تنادينى بأسمى فقط قلت : لها ده مش عدل أنا عندى إقتراح ظريف يرضى الطرفين قالت موافقة من قبل ماتقوله لانك قدوتى ومثلى الأعلى تعرف بابا بيقولى أيه قلت لها بلهفة بيقولك إيه قالت بيقوللى نفسى تدخلى كلية الهندسة زى عادل فقلت لها عبير نسيت اقولك الاقتراح مش تفكرينى فابتسمت وقالت وافكرك ليه ماننفذه عملى افضل مش رفع الكلفة مع المحافظة على احترام المشاعر مش كده ياعادل قلت فعلا بالضبط واستطردت عبير انت فى سنة أولى ثانوى قالت نعم ياااه ياعادل انت بتحسب كأنك معى قلت لانك تهمينى جدا وعاوز اتكلم معاك بصراحة قالت تفضل قلت لها انا كان نفسى ادخل كلية الطب لكن انت عارفة ان المرحوم والدى تعب جدا قبل وفاته وكنت زيك فى اولى ثانوى رحت تانية ثانوى علمى رياضة علشان التحق بالهندسة وممكن اشتغل وأنا بادرس وده اللى حصل فعلا اشتغلت وكنت باصرف على نفسى وأساعد أسرتى انت مش غريبة انت من البيت واحتمال عارفة .. .نعم عارفة ياعادل أنا فخورة بك جدا ...ثم قالت عادل ايه المطلوب منى وأنا انفذه قلت لها نفسى تدخلى ثانوى علمى علوم وتلتحقى بكلية الطب وتحققى مالم استطع تحقيقه ومسألة والدك اتركيها على الله وعلى وأنت عارفة أنا شاطر جدا فى المواد العلمية ومستعد أذاكر المنهج علشانك واشرح لك كل المواد العلمية والعربي والانجليزي وانت طبيعى شاطرة ...ثم قالت.
فاكر ياعادل لما كنت صغيرة وشرحت لى نظرية النسبية وعرفتنى باينشتين قلت ساعتها ياريت تذاكرلى فى ثانوى علشان ابقى دكتورة زى اخت زوج خالتى..
وسادت فترة صمت لاادرى قدرها سمعنا فقط صوت أنفاسنا وتلاقت عينى بعينها وقالت العيون كلاما غريبا وكأنها تستجدى لسانى أن يتكلم وتحركت على المقعد فظننت أنها ستغادر فقلت خليك قاعدة شوية قالت أنا قاعدة منتظرة فوزية رايحين مشوار مع بعض فلم اعلق ونسيت كل الكلام فقطعت الصمت تسال عن الكتب فى المكتبة فذكرتها لها ثم أشارت على كتاب ضخم وقالت كتاب ايه ده قلت لها ده ملحمة شعرية اسمها الفردوس المفقود للشاعر الانجليزى جون ميلتون 1668 تقع فى اكثر من عشرة آلاف بيت شعر
ودار حوار خفى بين قلبى وعقلي قلبى يقول انه يحبها ولابد من مصارحتها وعقلي يقول إنها مازالت طفلة فى اولى ثانوى نعم شكلا تبدو كبيرة لكنها مازالت صغيرة وفجأة فتحت حقيبة يدها وأخرجت البوك وفتحته وأخرجت منه مصحفا من الذهب وقالت فاكر ياعادل قلت نعم فاكر قلت لما كان ترتيبك الأولى على المحافظة فى الشهادة الابتدائية قالت أغلى هدية حصلت عليها فى حياتى هنا ارتفع صوت قلبى قائلا انتصرنا فرد عقلى قائلا هناك متسع من الوقت عند استذكار المنهج لكنى ضربت بكلام عقلى عرض الحائط ووجدت متعة فى الحديث معها وهممت أن أقول عبير عاوز اقولك وإذ فوزية تقول عبير تأخرت عليك قلت عبير
قالت نعم تلعثمت ثم قلت ماتتأخروش
قالت: كنت عاوز تقول إيه قول بصراحة
قالت فوزيه هو فيه إيه
ردت عبير:: فوزية أنت نسيت مش لما نطلع مع بعض يقول هاتوا معاكم لب وسودانى قالت فوزية عاملة حسابى
ثم تمتمت انا لب ايه وسودانى ايه وعندما وصلتا إلى باب الغرفة القت إلي بنظرة تحمل كل المشاعر الرومانسية الراقية وكأنها تقول أفهمك جيدا وشاورت بيدها وقلبى فى يدها واتخذت قرارا لارجعة فيه فى اول مقابلة ساصارحها
نلتقى فى الحلقة الثالثة
ليست هناك تعليقات:
إرسال تعليق