#مشيت_ونفضتلى بقلم الزعيم حسن محمد علي

#مشيت_ونفضتلى

...

عمرك ما وحشتينى

عشان عمرك ما فارقتينى

ولا لحظه واحده

..

قلبى وروحى وعينى

عشقى وحب سنينى

مالك النهارده

.....

انتى جايه تحيينى

ومن تانى ترجعينى

للماضى بتاع زمان

..

ولا جايه تبكينى

ومن تانى تودعينى

فى نفس المكان

.....

راضى باللى منك

كفايا إنى وإنك

ع العهد بقالنا سنين

..

إحكيلى وأشيل عنك

قوليلى ع اللى فى قلبك

قلبك شكله حزين

.....

إرمى حمولك على كتفى

يا كل حياه قلبى

يا ساكنه كل حشايا

..

بتدارى ليه عنى

دا أنا منك وإنتى منى

وبينا ألف حكايا

.....

جواكى خلص الكلام

من كتر الألام

وصابره ومستحمله

..

مفيش أى إهتمام

حياه والسلام

وبرضو مكمله

.....

الفرح عليكى ممنوع

وشمسك رافضه السطوع

كفايا أبوس إيديكى

..

دا من كتر الدموع

خد قلبك موجوع

هموت من قلقى عليكى

.....

وبعد ما فضفضتلى

مشيت ونفضتلى

حبيبتى من زمان

..

رجعت تانى بصيتلى

وبكل مرار ضحكتلى

بحبك أنا كمان

.....

.....

#مشيت_وونفضتلى

د/ حسن محمد على

#الزعيم