لاتتجاهل حرفي:
لاتتجاهل حرفي من يوصفك ويناديك
مادريت ان الجفا ماهو طبعك وطريقك
في كل صباح وليلة اتبع مسير خطاويك
مع اشراقة الشمس وشبه القمر بريقك
خلي البوح والمعاني وكل كلمة تحتويك
يبان ريح عطرك وحلى الحرف من ريقك
تعال علمني اللي يشد نظر عينك ويغريك
ابعد كل اللي يشغلك ويعرقلك ويعيقك
تاه الحال في بستان حشاك ونزل بواديك
كنه شلال صافي مايه ويرتوي منه رحيقك
لاتظن انك خصم وخليت القلب يقاضيك
وبنفس الوقت يكون محامي لك وصديقك
طوعت الاحساس لكل صفاتك ومعانيك
لأجل يشيل عنك همك ويخفف ضيقك
شبيه الموج يقترب من ساح شاطيك
يتلاعب بموج احساسي ويكون غريقك
بكل صورة وتعبير تلاقي علاج يداويك
تابع وتحرى وخلي اليقين من تحقيقك
لاتخلي الغير ياخذك مكانك ويباريك
يتملك العين والقلب ويشعل حريقك
ياترى يصيبك الحال مثلي بذكر طاريك
ياليت أكون حاضر وأشوف شهيقك
اطرد عتمت وظلام ليلك وخلي صافيك
شبه نور الشمس والقمر والنجم رفيقك
سرى خيالي هاللحظة وطلب أحاكيك
فتح عينك وخلي نبض قلبك هو يسوقك
@عزالدين الحميري@
ليست هناك تعليقات:
إرسال تعليق