،،،زاد همى،،،،
ليه بس زاد همى
والحزن بقا ف دمى
ولا حد راحم ولا مسمى
همومى ياناس ماليها اخر
وتعبت ف الدنيا ع الاخر
لا بشكى ولا بقول آه
صابر على همى يا ولداه
كتر الهم شغل البال
وحزنى يتعزف موال
من كتر احزانى وهمى
ربنا يصبر ياناس أمى
بيسمونى وحيد ف همومى
وليه يا فرحة ماراضية تدومى
ليه بس زاد همى
والحزن بقا ف دمى
عايش اسير ف هموم
ونفسى بس افرح يوم
خلاص الفرح خاصمنى
بعد وقال بلاش تحطمنى
اسالى يا ضحكة ع العنوان
قالتلى بيتك كله احزان
رحت لطبيب ياناس يداوينى
كشف وقال همك بيكوينى
ليه بس زاد همى
والحزن بقا ف دمى
تأليف الشاعر البسيط
ياسر محمد ايوب
هذه الكلمات مسجلة بالشهر العقارى
ليست هناك تعليقات:
إرسال تعليق