هي دي أصل الخيانه
احكلكم اصل الحكايه
إسمعوني من البدايه
الموضوع ماكانش غربه
ينتهي بتعبي وشقايه
الموضوع هجر اﻷحبه
من البدايه للنهايه
حبايب باعوا الود بنا
باعوا املنا واﻷماني
ليه وكان الجمع جنه
آه من هجرك يازماني
.............ء
آه على اشواق أملنا
ضاقت الدنيا بسمانا
..........ء
آه يا عالم م الخيانه
شربت من كأس المهانه
ناس تشوف الخير وتحسد
جرسوني بكل حانه
..............ء
مثل الديابه مايرحموش
على الغلابه مايبكوش
.............ء
هي قلوبهم كالحجاره
كمان امر من المراره
............ء
ليه وانا م صدرش مني
غير حبي و التمني
..............ء
ليه ياناس قلبتوا فرحي
قلبي ليه هاين عليكم
ليه تزودولي جرحي
وانا كنت ضهر ليكم
كنتم أصحابي وحبايبي
ليه الغدر بيناديكم
.........ء
آه على غدر الحبيب
هو ده أصل الخيانه
هو كيف صار الزبيب
نبيز يتباع في كل حانه
طهره صار كله نجاسه
وهي دي ليهم سياسه
.............ء
كتبت بإيدي على الحجر
لما دمي بجرحي سال
............،ء
كتبت بدمي يابشر
إنعوني على ذا الحال
.............ء
ادعي لرب العالمين
والحجر يقول آميييين
دا لحجاره ب تنكسر
وانتم أقسى من الحجر
...........ء
موش معقوله انتم بشر
وانتم أشرس م الديابه
يعني عشان أمنت ليكم
هو ده أصل الطيابه
ليست هناك تعليقات:
إرسال تعليق