ليه الغياب
""""""""""'""""""
للشاعر ( طه حسن )
ليه الغياب طال ياوحشانا
ومن طول البعد والجفا اه ياانا
لو كنتى قريبة منا وسمعانا
ردى علينا ولو بكلمة قليلة
كيف نوصلك والمسافة طويلة
ما بنعرف مكانك وما بيدى حيلة
غير كلام يعبر عن اللى جوانا
كام يوم ماشفنا صورتك
قوليلى ايه اللى عنا شاغلك
من القلب اجمل سلام ابعتلك
تكونى بخير وسعادة وفرحانة
طلتك علينا اتاخرت كتير
وجمال همسك وحلو التعبير
وابداعاتك وروعاتك مالها نظير
للذوق والمتعة والحب واخدانا
برنسيسة الشعر وأميرة القوافى
ليه البعاد والغياب ليه التجافى
حبنا وتقديرنا ليكى عمره مايوافى
نفسنا تواصلينا وتسعدينا وانتى معانا
منية النفوس اهديكى كلماتى هدية
علشان تعرفى قد ايه غالية عليه
حبيتك واحترمتك وما شافتك عينية
وبكل الود اعتبرتك صديقة واخت لية
وغيابك عنا لو طال يزيد شوقنا وجوانا
ليست هناك تعليقات:
إرسال تعليق