آه من وجعنا
* * *
آه من وجعنا لما أنخدعنا
م الحبيب أعز الناس
سالت دموعنا طفيت شموعنا
شربت منه مر الكاس
أشكي لمين.مين يسمعنا
آاااه آه من وجعنا *
كان لقانا حب ف حب
نهر عذب خرير بيصب
ترياق شفاه بمهاره الطب
هدير حروفه تشبعنا
آاااه آه من وجعنا *
لو مش من حقي أحبه ياناس
يبادلني ليه نفس الأحساس
وقبل ما أعطش يناولني الكاس
ف حبه ياما أتجرعنا
آاااه آه من وجعنا*
سألت عنه أبرج المواليد
النجم غاب رحل لبعيد
سألت عنه ليالي العيد
الفرح هجر مضاجعنا
آاااه آه من وجعنا *
كنا نداعب ورق الأغصان
يداعبني هواه لهفه وحرمان
يسقيني وأرجع تاني عطشان
وأتوه ف هواااه مايرجعنا
آاااه آه من وجعنا *
ومن عراف رحت لعراف
فتح المندل وشوش أصداف
مافيش أمل مافيش أنصاف
النجم غاب عن مواقعنا
آاااه آه من وجعنا *
* * * * ( آه من وجعنا)
( حرف / علي عيسي)
ليست هناك تعليقات:
إرسال تعليق