من القلب للقلب:
حبل الوصل معاك بين قلب وقلب
عليك تغذيه من شريانك ولاتردّه
شبيه اللي تايه ويدور حاله الدرب
كلما يشوف أثر يقصر طريقه ويعدّه
النهاية جاري نهر غلاك وعندي المصب
المنبع منك وشرياني انت اللي تمده
ذاك الشوق والغرام الحشا يغبه غب
متل تربة عطشى مامرها ماي مدّه
الوصف في الحال ماهو سهل وصعب
انت اللي تقرر ياترخيه او نحوك تشدّه
تعال شوف البوح تراه نار الحشا شب
يعاند حالي وماظنتي أمنعه وأصدّه
ماقول غير الي والك الله خالق ورب
الأرواح والقلوب بايده والكل ينشده
لك عندي جدار المودة متين وصلب
لاتظن يتزعرع وغيرك صعب يهدّه
في هالحال ماباليد منفذ ومهرب
تأصل غلاك وغلاي وعقد حبل المودّه
ليه مصر تعبد وتخلي الحال بكرب
مدري تعاند قلبك وتكون عدوه وضدّه
أدري مشتاق للوصل وتطلب مني قرب
يقين عندي وعندك وصعب يمر ويتعده
ذاك الريم ياناس خذا القلب وأتعب
حالي وبالي غاب مبسمه عني وخدّه
كلموه وعلموه بمتيم غرد له وتقرب
يطلب حضوره يجاوب وأشوف ردّه
وش يضره لو يداني حرفي ويجرب
عساه يطفي لهيب الشوق ويعلن ودّه
آثرت ينتهي البوح ولاعندي مهرب
غير قصيدي يوصف الحال ويشدّه
@عزالدين الحميري@
ليست هناك تعليقات:
إرسال تعليق