أنا اللي علمتك:
أنا اللي علمتك نبض الحرف ومعاني الكلام
وأنا نبض قلبك وشريانك وحيك وميتك
شلت الخجل منك وخليتك تزيح اللثام
وبان جمالك وطيب أنفاسك والغلا سميتك
في غيابك ومعاذيرك دايم لك مني احترام
لأجل تعرف مودتي وياما عذرتك وداريتك
ماغيري يحتويك ولايبهرك غيري بالوئام
يوم تزعل ويتكدر خاطرك صوبي شديتك
يوسف عفا عن اخوانه ومنهم انظلم وانضام
هذا التشبيه لك وسماح مني لك وعفيتك
بريق الضو له ساعة ويمكن ساعات يدام
بس نبض القلب والغلا دايم ومنه رويتك
حلقت بالسما ورفرف جناحك مثل الحمام
أنا اللي علمت تطير وحشاي هو بيتك
تذكر من يتلعثم لسانك وتريد بوح مستدام
تطلب من خافقي مدد وياما منه غذيتك
ماأريدك تنسى سهر الليالي وشوق وغرام
تظل معاي تتسامر وياما دلعتك واحتويتك
همسة جالت بخاطري بين صحوي والمنام
لأجل يستمر حرفي ولاتقول أنا نسيتك
حرفي لك ولغيرك ولاتزعل يالغلا حرام
يتقيد بوحي لك وغيرك لازم يعرف ماطويتك
@عزالدين الحميري@
ليست هناك تعليقات:
إرسال تعليق