أبختصر كل اللي مضى وراح وتعدى
شوق وحنين والمعاني وحرفك الدافي
غيري يقول ضاعت الأيام والوقت سدى
أنا قولي لك غلا لين تطلع الروح يوافي
يمكن تغفل عيني عنك والصوت لك صدى
يوصل لنبض قلبك وشريانك ونبعه الصافي
شبيه اللي محروم من الماي ولاعنده غذا
يكابر ساعة الهلاك والأمل حاضر ولاخافي
وصلت في حالتي معاك تصور لأبعد مدى
نورك مشعل طريقي وسراجه ماهو طافي
ريح الغرام تلف في الأماكن ولهاعندي شذى
يامسعف البال وطارد الهم وبلسمي الشافي
في ساح الشوق فارس مايهاب من العدا
إن كنت صريع بساحك وعليك انت انصافي
هذا اللي يسمونه أهل الكلام راح فدى
ذاك الخليل ومن يهل الدمع يظل مذرافي
شبيه احساسي ساعة الضحى والندى
صافي القطرات وجمال المنظر باحترافي
سبحان خالق الكون وسابغ النعم والهدى
لك في كل تسبحة دعا ولامنك خالي وحافي
تميل معاني كلماتي والحرف وكل مابدى
لأجل تشوف جمال وصفك بشعري وقافي
@عزالدين الحميري@
ليست هناك تعليقات:
إرسال تعليق