ساعة التجافي:
حرفي ومعاني كلامي من داخل الاحساس
واللي يشوف أبياتي ماظنتي يقول كافي
ماهو شوف حال اعتراني ولاكبر ولاسواس
لو بيدي لخلي مدادي سحري ويظل خافي
هذا الحال ماهو عندي بس وحال كل الناس
منهم من يبوح ويدانيه ومنهم يبعد ويجافي
عندي شعور يفوح من الحشا وطيب أنفاس
تخضر الأرض اليابسة من تصيبها سنين عجافي
طريق مشيته بثقة والحمد لله عندي متراس
الأخلاق مفتاحه وطيبه طعمها كنه عسل صافي
أكتب في كل يوم ولاغايتي شهرة والنبراس
يمشي بثقة ومطلبي محبة ووئام تبان بقافي
شبيه اللي نثر بذاره وسقاه مي وطلع الغراس
نظر وحضر وشامخ ويزين اللي حوله ووافي
السعادة والفرح والحزن والهم ملعبي والراس
متلون ومتقلب الصور وعند حزة النوم حافي
ماني شاعر ولاكاتب وهوايتي لها منبت وساس
نبض القلب يغذيها بارد بالصيف وبالشتا دافي
لاتلومون هالوصف واعتبروه شرب مي بالكاس
خذوا اللي يريح بالكم والباقي خلوه للتصافي
ريح البوح شميته هالساعة وبالبال ترى جاس
معاني كلمات وأبيات ماظنتي حالي عنها غافي
دنيا غرورة ولابد يوم نغادرها بصحة وباس
بالله من تمرون صوب حرفي هلوا الدمع باذرافي
قولوا مرحوم صاحبنا طيب وضحوك الأضراس
يالله رحمتك وعفوك النا وله يوم ساعة التجافي
@عزالدين الحميري@
كل الشكر والتقدير لهذا الصرح الراقي
ردحذف