(كواليس النت )بالعاميه
إحذر من شياطين أفكارك
واحذر من كواليس النت
فيه المجني فيه الجاني
فيه أساليب بالعقل تشت
ناس بتفنن على شان تخدع
وبيرأ.سها شباب منحط
خايب نايب عاطل عايب
عايش بالأيفن والقط
فيه العاشق والمعشوق
واللي بيعمل نفسه بنت
يحكي مش مكسوف من حاله
وبصوت ناعم شات ويشت
والموكوس التاني الهايم
عامل فيها قال واد فت
عايش ولهان في أشواقه
يعشق راجل فاكره ست
بعد ما بان الكدب بيبكي
كان بيفكر نفسه الخط
واللي بتعمل نفسها راجل
تكدب دايما طول الخط
ناقص بس شنب والتاني
تحلق حلقة عرف البط
اقصد عرف الديك الكاكي
زي ما قلبت قلب البط
واللي بتعشق لها كام واحد
يبعت ليها رصيد ع الخط
يوم واثنين وثلاثه ينفض
تحظر غيره تجيب وتحط
ناس بتفنن على شان تخدع
وبيرأسها شباب منحط
خايب نايب عاطل عايب
عايش بالأيفن والقط
بقلم السيد الديداموني
ليست هناك تعليقات:
إرسال تعليق