غريق في همسي:
ريمن في حرفي وهمسي هو غريق
من أسفلالقدم لين يوصل شعر راسه
يجتمع حالي وحاله ويازينه من رفيق
هذا الساس ساسي وأظن هو ساسه
عبدت له صوب القلب سكة وطريق
متعرج لغيره ووعر صعب عليه قياسه
منيتي شوفته وذيك العين ومنها بريق
وحدة الرمش يشد حرفي ونظم نبراسه
واسع الشوق عندي له ولاظنتي يضيق
شبيه اللي صمم بيته وضم أهله وناسه
تجتمع حواسي كلها وتصير كانها فريق
يلمها الحال شبه اللي وجعته ضراسه
علموه إني معاه في كل شدة وضيق
ياويل حالي وقلبي لوبان علي باسه
ماودي مدح ولا صح لسانك وتصفيق
هذا الشعور أجره لله وخلي هو يحتاسه
في بعض الأحيان أبطي عليه وتضيق
ساعة الوصل بس العين والقلب ماتتناسه
هو راحي وراحتي ومنه أرتوي الرحيق
يازين ذاك الشراب وطيب شرب كاسه
الأنفاس هالساعة ماتحتمل زفير وشهيق
غصة تعتري الحال لو هام حالي وباسه
لو شب بالحشا نار وصارت كالحريق
ريح وماي غلاه تطفيها وهو متراسه
غيري يبتعد في الوصف ووداي سحيق
عنده وصعب يداني حالي ونبراسه
خليتني أنظم الأبيات بعفوية وسليق
لين نبت الحنين لك بكلامي وغراسه
راح أقفل قصيدي ولك سلام عريق
تلمح عينك طيفه ونبض قلبك وانفاسه
@
عزالدين الحميري@٣١/١٠/٢٠١٨
ليست هناك تعليقات:
إرسال تعليق