ليه لما شوفتك قلبى داب
ورجعت من تانى شباب
فيكى ايه
فيكى ايه يفرق عن الباقى
وليه بتسحرى ساعه التلاقي
وفيكى حاجه تهزنى
هزه الميه ف أرض الشراقى
عارفه ليه
لما يوم عنى تغيبى
أحس قلبى مش داريبى
وألاقى حاجه تشدنى
أو ماسكه ايدى
معرفشى ايه
وأحس ان الكون مش سعيد
والليل ينام وأفضل وحيد
وألاقى صورتك فى القمر
امشى وراه زى الشريد
هتقولى إيه
ممكن تقولى دا جنون
أو مستحيل أبدا يكون
لأ دى الحقيقه مجرده
يامشرده قلبى الحنون
حاسه بايه
حاسه إنى صادق ف الكلام
وانى مستحيل ح اخدعك
حتى كل لو كونى عليا لام
وانى لا يمكن اودعك
أو اسمعك تجيبى سيره للخصام
أو اسمح لنفسى تضيعك
أو إنى أعيش ف حاله الانفصام
عرفتى ليه
ليست هناك تعليقات:
إرسال تعليق