قصيده بالعاميه
......................
اماني الهرب .
..................
البارحه..
دق غريب على الباب يوم كنت نايم
جريت لفتحه لكن وقعت من قلة النوم
وانا على الارض سالت..
مين على الباب ؟؟؟
قال لي صديق قديم ياصاحبى..
لكن رجعلك تانى .
انا قلبى دق ..ودق كثير ..
وقلت لنفسى...
ده يبقى مين ياربي..
اللى حيصحى آلامى..
ويكوى قلبي بنار الحزن ..
ويرجع في همومى من تانى ؟؟
انت ياصاحبى..
ان كنت صبحى ..
اذهب ومترجعش تانى..
ومتفكرنيش بآلامى..
ومتعيشنيش فى همومى ..
وانا نفسى اهرب ...وانى كل ايامى ..
وادفن دموعى فى جفون الليل ..
واصلب آهاتى فى الظلام..
وانسى ليلى الطويل ..
وانس كل آلامى.
..............
وفى وسط الليل ..
مشى الغريب ..
وتركنى لا صاحى ولا نايم ..
ورجعت همومى تانى ..
زى الطيور الغبر بمنقارها ..
تقطعنى ..
وتطير ..
وترجع تقطع في من تانى ..
ومشى الغريب .
.............
وانا فى خلوتى ..
مااعرفش ابات..
الا بعد مناجى بحرى والنبات..
ومع النجوم باعرف اعوم..
فى حزن البشر والهموم..
اسمع آهات..
اسمعها فى الفضاء والغيوم .
وما غير موال الحزن فى قلبي يدوم .
انا ما اعرفش ابات ..
الا بعد نظرتى للبحر والشطأن والنبات .
والنجوم..والنخيل الغارق فى الصلوات.
واسمع تراتيل الريح العاوى...
حافظ فى صدوره الانات.
واسمع صفير الريح ..واسأل..
ياترى مين صاحب الاهات .
انا اعرف ان الليل وظلمته بيدارى كثير ..
بيدارى كثير معذبين..
كثير مساكين..
كثير محتاجين..
وطفل بيبكى من زمنه اللعين .
وطفلتين بيصرخوا لانهم جعانين .
وآهات كثيره بيرددها البائسين واليائسين.
من الظلم والاجحاف..
والسياط بلا انصاف..
من الخطيئه والازلال..
من الالم والايلام.
وانا نفسى اهرب من السنين والاعوام..
وانسى كل عقودى وايامى..
وادفن دموعى فى جفون الليل..
واصلب آهاتى فى الظلام..
وانسى كل آلامى.
................
انا اعرف ان الليل..
بتنام فيه العباد..
وفى القلوب بتنام فيه الهموم..
ومن على الشفايف بينام الكلام..
والقلب المجروح فى الصدر كمان بينام..
اما العشاق فى الليل..
ما بيناموا من دون العباد .
.............
وفى وسط ليل..
جانى ذات صاحبى..
وعرفت انه كان من العاشقين..
وجاى يحكيلى همومه..
وبيدارى فى الصدر الانين..
ميعرفش ان انا زيه من العاشقين..
وانى نفسى اهرب من ايامى والسنين..
وانى اكره حكاوى المغرمين..
وانسى كل ايامى..
وادفن دموعى فى جفون الليل..
واصلب آهاتى فى الظلام..
وانسى ليلى الطويل..
وانسى كل الامى..
وبلعن يوم ميلادى !!!
خالد الجزير .
31/10/2017
ليست هناك تعليقات:
إرسال تعليق