بيقولوا
نور الشريف
مات
مات يوم التلات
التلات اللي جاي
ولا التلات اللي فات
هو مات مات
ولا دي اشاعات
هو كان راكب جنبي
في الميكروباص النهارده
ولا دي تهيؤات
صحيح كنت شايف عينيه
حيرانه وشارده
ولا انا بشوف تخيلات
سواق الاتوبيس
بيقولي وصلنا اخر محطه
وسابني ونزل
وكان شايل علي كتفه شنطه
يارب تكون مليانه حسنات
وتغفرله
لو كان فيها سيئات
حاله غريبه بحسها
حاله خايف منها
انا كنت معاه
قاعدين بنشرب شاي
وبيقولي ايه رأيك
في عملي اللي جاي
قلتله لما ياخد رأيي
الاستاذ
دا بالنسبه لي
انجاز
ولقيتني بكلم نفسي
ومحدش قاعد معايا
أااااه يانا يا غلبي
هي ايه الحكايا
هو مات مات
ولا دي اشاعات
---
---
سواق الاتوبيس
اهداء ل
نور الشريف
الله يرحمه
الاحد
16 / 8 / 2015
ليست هناك تعليقات:
إرسال تعليق