قالتلى وقلتلها
....
دى مش حبيبتى
اللى بحبها
دى واحده معرفهاش
هوة انا بشوف كويس
ولا بشوف طشاش
....
دا أنا سلمت عليها كلمتها
وياريتنى ما شوفتها
اللى بموت فيها
وبعشقها
وبحبها
....
جناين خدودها دبلانه
وعينيها حزينة وحيرانه
وشفايفها بالصمت العاجز مليانه
وايديها بترتعش وشقيانه
ورجليها وافقه عالارض عجزانه
....
مقدرتش اسكت
قلتلها مالك
قالتلي وانت مالك
اذيك إنت
واذى احوالك
....
قلتلها عليكي طمنينى
وغصب عنى
نزلت دمعه من عينى
....
قالتلي من 20 سنه
أول مره اشوفلك دموع
شكلك أوى موجوع
ما تقولي يا روح قلبى
ونن عينى
وعشق سنينى
أيه الموضوع
....
قلتلها احضنينى
قالتلى فى الشارع
قلتلها وإيه المانع
....
قالتلى هتفضل مجنون
قلتلها بحبك بجنون
....
قالتلى كبيرنا
وملامحنا اتغيرت
قلتلها بس مشاعرنا
عمرها ما اتحجرت
....
قالتلى همشى سلام
قلتلها طب كمان شويه كلام
قالتلى روح اتغطى ونام
....
قلتلها هخدك فى حضنى
ضحكت
وقالت ما انا مبنمشى
كل ليله
غير وانت جنبى
.......
.......
قالتلى وقلتلها
عمل
وليد اللحظه
أول أعمال
الزعيم
2017
ليست هناك تعليقات:
إرسال تعليق