ا
فتكر
---
---
افتكر
وانت بتكسر فيا
وبتجرح قلبي
وبتبكي عينيا
وانت في ضعفك
انا اللي كنت بقويك
---
افتكر
وانت بتكسر ضلوعي
وبتستقوي عليا
وفرحان بدموعي
وانت محتاجلي
عمري ما جيت عليك
---
افتكر
مين اللي طبطب
وحب
ودلع
مين اللي طفي
كل نار
كانت فيك
بتولع
---
افتكر
مين اللي خد بإيدك
وعشانك
كل حاجه اتحمل
مين اللي قالك متخافش
لو ف النار
معاك هكمل
---
افتكر
مش انا اللي
مسح الدمع
نور الشمع
في طريقك من جديد
مش انا
الحب
ولا كان كدب
ياللي بتجري ف الوريد
---
افتكر
وانت جاي تخسرني
تكسرني
تحافظ عالفات
وان سألوني عن حزني
وهم قلبي
هقولهم
حبيبي مات
---
---
افتكر
الزعيم
ليست هناك تعليقات:
إرسال تعليق