لأ مترجعيش
-------
------
1-
متفكريش ترجعى
قلبى تانى مش هتوجعى
وانسى اللى كان بينا خلاص
مش هضعف مهما تدمعى
-----
سنين وانا بتألم من جرحك
لما كرهت ملامحك
ورحله عذابى جنبك
انسى ان صوتى تانى هتسمعى
------
سوى بدأنا المشوار
حلمت ب جنه لقيتنى فى نار
وكنت بحس بفرحه عيونك
وانتى بتكسرى أضلعى
------
عايزانى تانى أقولك ارجعى
لأ
مترجعيش
------
2-
مترجعيش
لو فى الكون كله غيرك مفيش
متحلميش
انى تانى معاكى هعيش
ومتضيعيش
سنين من عمرك تستنبنى
ذى ما انا ضيعت سنين من عمرى
بحلم تحبينى
لكن انتى محبتنيش
متخافيش
مش هقول مشاعرك بارده
ولا هقول وانتى فى حضنى
كنتى مع غيرى بكل حواسك شارده
وكنتى بتلعبى ضربه الجزاء
من على خط ال 6 يارده
ولسه تانى عايزه ترجعى
لأ
مترجعيش
-----
3-
فكرينى مره واحده زعلتك فيها
عشت عمرى كله باجى على نفسى
علشان ارضيها
كنت بإيد لها صوابعى العشره شمع
تنور لياليها
واتاريها
ولا حاسه بيا
وبتمثل عليا
كل دا علشان بحبها
تنسى مليون مره وقفت جنبها
مليون قصيده كتبتها
عن جمالها وسحرها
وشقاوه عيونها وطيبه قلبها
طب كانت بترقص لمين
وانا بحزم خصرها
طب كانت بتحس بإيد مين
وإيديا بتضفر شعرها
طب كانت بتبقى فى حضنى
وانا فى حضنها
وجايه تانى عايزه ترجعى
لأ
مترجعيش
-----
4-
مليون شك عايشين فى راسى
دا جزاء حبى واخلاصى
تلعبى بيا وبعواطفى واحساسى
------
مليون مره كان ممكن اخون
وافول لحظه ضعف او لحظه جنون
لكن مش انا اللى حبيبتى عليا تهون
------
وان كنت عليها هنت
وان كنت اتخنت
وان كنت اتهديت واتحطمت
وان كنت كتير اوى انظلمت
كل دا علشان كنت بحبه
ان كان ذنبى الحب ---- مين فى الدنيا محبش
ان كان ذنبى الحب ---- مين فى الدنيا محبش
ان كان ذنبى الحب ---- مين فى الدنيا محبش
ولسه تانى بتحلمى ترجعى
بقولهالك بأعلى صوت
انتهى زمن الصمت والسكوت
لأ مترجعيش
-----
-----
لأ مترجعيش
كلمات
حسن على
الاحد
5 / 4 / 2015
ليست هناك تعليقات:
إرسال تعليق