زجل شعبي باللهجة العامية
بعنوان ... حرام عليك ...
بقلمي
....................................
يا إبني حرام عليك
فايت أغا و طالع بيك
هي مرتك هي أم ولادك
بتحبك بتغار عليك
الكلمة الحلوة بتحاكيك
وما عم تعرف كيف ترضيك
وأبدا إنت ولا على بالك
يا إبني الله يهديك
.......................
ياريتك تفهم ياريت
بأصول الإتكيت
المرأة هية أم ولادك
مانا خدامة بهالبيت
والمرأة شريكة حياتك
وياما بقربا تدفيت
بقى لا تعلا وتوطا عليها
وتصب النار على الزيت
.........................
مرتك ببيتك ارضيها
وبكلامك لا تأذيها
عاملها بحب وحنية
وأوعك لا تتمأطع فيها
عم بتربيلك أولادك
ونبينا وصانا فيها
خلي بقلبك دوم الرحمة
وطيب خاطرها وواسيها
..................................................
د . ملك محمود الأصفر
ليست هناك تعليقات:
إرسال تعليق