عبد العليم ابو عبده
--------------
كله شوق وحنين
لضحكه صافيه
وشمس دافيه
وراحه للشقيانين
وامل وعمل
وفرح يكتمل
يخلينا عايشين
وبينا تاخى
ومفيش تراخى
وبالله مؤمنين
-----------
صباحك يامصر
نسمه تبرد نار
ف قلب محتار
شايف المرار
وجواه حزين
من البطاله
وعيشته العاله
على الاخرين
اللى واكلينها والعه
والشمس طالعه
عايشين مرتاحين
لاعليهم ديون
و لاليهم منون
وبيقولوا علينا
اللى حاطينك ف عنينا
ناس مغفلين
----------
صباجك يامصر
عداله
شامله الغلابه
والمساكين
وحاله
معاها استحاله
دمع وانين
والكل بياكل
ومفيش مشاكل
زى الصين
والخير عامم
والشمل لامم
فقارى وصحاب ملايين
--------
الشاعر \\\ عبد العليم ابو عبده
كلماتى ومسجله باسمى
ليست هناك تعليقات:
إرسال تعليق