حلم القلب الباكى
..............
لما الدمعة تسيل
علي خدود حجر الطوب
يبقى ساعتها
قلبي النايم يصحى
لما الفرحة تميل
علي ليل مغزول
من خيط الطرحة
السودة
وتشوف ضحكتها
المية الناشفة
ف جبال لبنان
المنكوبة
يبقي ساعتها
قلبى الغاضب يرضى
لما اشوف الجيل
الجاى ثوران
بيطفى الولعة
القايدة
حوالين جدران
القدس
وينور شمعة
يبقى ساعتها
قلبي الباكى حينسى
لما الشمس تبطل تهرب
من جزء الليل
المشتاق
لما الغرب يبطل يغرب
علي شرق الدنيا
البراق
ويسيبه ف حاله
وكفاية ديونه
لما نشيل ف كفوفنا
وشوشنا
وندارى ع العين
بالحاجب
ونسدد ف الدين
وبالحرية نقوم
نتعاجب
يبقى ساعتها
قلبي الشاعر يحكى
لما افهم حسبة برما
التايهة
من برج دماغى
لما اعرف ليه سيقانا الدنيا
الفانية
واصبح واعى
لما افهم ليه الدمعة
ف وسط الضحكة
برضه بتبكي
لما اعرف ليه الضحكة
ف وسط الفرحة
برضه بتشكى
يبقى ساعتها
قلبي التايهة يدرى
..............
نظم /
محمد صادق ندا
ليست هناك تعليقات:
إرسال تعليق