لاتزيدونا أحزان
بقلمي خالد العيسى الصوافطة
طوباس فلسطين
لاتزيدونا أحزان
أنا من الوضع قرفان
بدهم يفرضوا علينا قانون
سموه قانون الضمان
وكيف وضعنا بكون
وفلذات أكبادنا والعيون ؟
إذا اقتطعوا من رواتبنا
هذا بالعرف جنون
وياوزير عيد النظر
رواتبنا في خطر
والكل منا يحتضر
آه لوتعلمون
سبعة ونصف في المية
ماظل بقلبي حنية
وأرهقتنا كل الديون
حتى البنوك الربوية
يامشرع تراجع عن القرار
ولايظل عندك إصرار
هذا الشعب ماهو تجار
ولاسن القوانين على الكيفية
أسرنا صارت للفقر تحت الخط
والكل منا بالديون غط
وصرنا مثل ذكر البط
صيد لكل البلطجية
ونحن مانحن أولاد أبوك
ولانحن محبوك
تراجع عن المطلوب
الشعب كلهم ينادوك
لاتقولوا شعب بحب الفوضى
ولانحن أطفال عندك في الروضة
حنا شعب الجبارين
وحنا من أبناء الدولة والسلطة
كل يوم تيجينا بتصريح
والكل منا جريح
بكرة بتهب الريح
والكل يوقع بالورطة
خالد العيسى الصوافطة
طوباس فلسطين
بوركتم ودمتم وكل الشكر لمجلتكم الرائعة ولكل العاملين فيها
ردحذفكل الشكر لكم
ردحذف