إلى
فى كلام يسعدنا وف كلام يفرق مابينا.
اهم شئ نوحد صفوفنا ونتحمل مع بعض المسؤليه ونكمل مشوارنا.
الشيطان مش هايسيبنا وهتزداد همومنا لكن بالصبر ربنا هاينصرنا.
عشان راضينا بقسمتنا ونصبنا وحافظنا ع صورتنا قدام أعدأنا.
والناس اللى تعرفنا لازم ننسي ونبعد الشيطان عن طريقنا.
وربنا هايحقق احلامنا والسعاده هاتكون داخل قلوبنا.
وكل شئ بالحكمه عشان نسعد نفسنا وغيرنا.
نحافظ ع فكرنا وابداعنا ونحل بنفسنا مشاكلنا ونكون ايد واحده ف اى شئ يجرحنا.
او يفسد علينا حياتنا ونخلى الحب دايما داخل قلوبنا.
وبلاش نسمع لغيرنا ونشوف الشئ اللى يسعدنا ويفرحنا.
هاتحلو الدنيا ف نظرنا ونكون من اهل القمه لما نثبت وجودنا وجدارتنا.
اللى بينا عشره وربنا جمعنا ليه ندخل ناس مابينا تفسد علينا انجازنا.
بكلام يتعبنا ويفرقنا ويكون دافع لفشلنا وانهيارنا.
مافيش افضل من الكلمه الحلوه اللى تهدى القلوب وتريح بالنا.
هانحس بالسعاده مع مرور أيامنا ونشوف بعنينا حقيقة انتصارنا.
بعد جهد كبير كان بيشغلنا ومسيطر ع جوارحنا وكان سبب ف خصامنا.
لكن فتره وعدت بسرعه وف النهايه ربنا جمعنا لكن اتعلمنا.
ان الكلام ساعات يسعدنا وساعات يكون دافع لفراقنا.
لكن نتحمل ونثبت وجودنا ونقول للكل مافيش حاجه تمنعنا من حبنا واخلاصنا للى خلقنا.
وهاتستمر حياتنا ومحدش هايقف تانى ف سكتنا وهانكمل مشوارنا.
والفرح هايكون من نصبنا والخير هايعم ع بيتنا وبلدنا.
بفضل من المولى اللى خالى قلوبنا صافيه ودايما الحب مجالسنا.....
الشاعر ....طاهر مختار
شاعرالعصر...تحيا مصر
الشهره..طاهر المصري
طنطا...كفرالزيات..اكوه الحصه
ليست هناك تعليقات:
إرسال تعليق