غيبوبه
********
قربت اصدق ياوطن
ان انت مش هو الوطن
رغم ان عنوان السكن
مكتوب علي بيتنا القديم
كنا سوا
وياه نعيش
نقصد إله
رازق كريم
عنوانافوق الضفتين
الضفه دي يسر وعطا
والتانيه موسوعة حنين
بعنيه شفتك ياوطن
المره تلو المرتين
بعنيه شفتك مركبه
مصنوعه من لزق وورق
وتخش في البحر
اللجاجه
تسرقك موجة شجن
تاخدك تجرك للغرق
بعنيه شفتك ياوطن
شلة تعالب
تقطرك
وتحرحرك
ماتخللي فيك
مسحة عرق
ايه تاني عندي يفكرك
ايشي كام خديوي اتملكك
وايشي كام عُمَدْ
العمده ده عالمصطبه
بالبيضه يكسر في الحجر
والتاني فارد سبحته
حباتها بتطأ طأ صدي
ينطق علي آ خر مدي
يحيا الخديوي المفتدي
فأ ديه عصايته بتنفرد
ع الضفتين
وبتنتني
طربوشه متلون دما
ينضح علي لون العلم
والعمم
من فوق دماغك
يحبكوها
والذمم
مخروبه ياكل الذمم
العمده تالتهم خطر
يزعق
بعرض الحنجره
وأ ديه في ضهره
من ورا
ماتيللا ياشيخ الغفر
عجل وهات الشرشره
واحصد ف حس الانتما
ماهو اصله كاسح
كالوبا
بس احنا جاهزين بالدوا
بالامر ياشيخ الغفر
البس عبايتي وعمتي
واعلن وذيع ف المفشره
تمت بناية مقبره
للحس ف قلوب البشر
واما انت جواك انكسر
أ شهرت خوفي ياوطن
اغرب واغرب من كده
لو تنسي بيننا المعرفه
رغم انك الزارع هنا
وانت اللي باقي
مش انا
وانا اهه بقول بالمفتشر
لو حتي جروني الغفر
واكيد حاتعرف
مين انا
لو بعد يوم
اوبعد شهر
او بعد ماتعدي السنه
ليست هناك تعليقات:
إرسال تعليق