(مشاعر أُم... شكراًيابني)
قوم يابني خُدلَك.. دُش
قوم ياضنايا كُلَك لُقمة
شَكلّك ليه شاحِب الوش
ومش مستَّحمِل مِني كلمة
دنا م الصبح عليك قلقانة
وقلبي عليك ياضنايا واكلني
رغم إن أنا صِحتي تعبانة
بنسي أنا تعبي وأنت شاغلني
وأسأل نفسي إتأخر ليه
طب دلوقتي عامل إيه
مبسوط قلقان...سَليم تعبان
بِلهفة بأرَاقبـَك م البلكونة
وأقول دلوقتي أكيد هايبان
دا رغم شقاوته لكن غلبان
وطول إلفكر بيبقي...تَاعِبني
لما الاقيك قافل تليفونك
وياما الخوف ودّاني وجابني
وبفضل أدعي المولي يصونَك
وأمّا بعاتبك وقت رجوعك
ليه تقصيرك وكُتر.....تجاهلك
تقول تليفونك فاصل شحن
وتطنشني وأنا......... بندَهلَك
دنا م الصبح رافضة الأكل
والجوع صابني مليون مَرّة
وأقولك دا إنت واحشني بشكل
تقول علي فكرة أنا واكل بَرّة
شكراً يابني........ شكراًيابني
شكراًيابني....... ياللي تاعبني
ياللي وجودك ليا الروح
وياللي عمايلك بتعذبني
//////////شكراًيابني/////////
الشاعر / شرف الدين فاروق أحمد
((((((((شاعر الجنوب))))))))))
ليست هناك تعليقات:
إرسال تعليق