...(غريب فى بلدى) ...
******************
ياسِت الكُل ياااااسمّره
حلاوتك أصبحت مُرّه
أداديكى واموت فيكى
وإنتى ع العدا مُصرّه
******************
ياسمره لونى من لونك
وعاااشق حتى لعيونك
ف فرحك إنتى نسيانى
لكن فكرانى ف همومك
******************
أنا ياااسمره من طينك
ومن نسلك وتكوينك
بترميينى فى يم الهم
وأشرب مُر من نِيلك
******************
نسيتى إنى من ناااسك
شربت المُر من كاااسك
برغم حبى أنا... ليكى
أموت من سهم حراسك
******************
شعرعبدالباسط السياجى
ليست هناك تعليقات:
إرسال تعليق