أيام فاتت
عمل غنائى
===
ومين فينا مفيش جواه
أيام فاتت
عايزها ترجع تاني
ومين فينا مفيش جواه
حاجات ماتت
مكتوبه في الأغاني
===
أيام فاتت بحنلها
لحكاويها ومواولها
للمتنا وطول ليلها
لكل ما فيها
===
حاجات ماتت بقسوتها
بألمها ومرارتها
بضحكتها ودمعتها
أنا مش ندمان عليها
===
أيام فاتت من عمري
لو كان بإيدي أو أمري
لفضلت عايش فيها
===
كل الهنا فيها عرفته
من أول ما قابلته وشفته
ولا لحظه واحده ناسيها
==
حاجات ماتت جوايا
هددت عمري وصبايا
طفت النور في عينيا
==
أه يا همي وشقايا
كل اللي كانوا ويايا
فجأه سابوني وحديا
=
وأاااه
أه يا حيرتي وعذابي
وانا بغني لأحبابي
علي أيام فاتت بحنلها
وأاااه
علي اللي سابوني
من غير ونيس
علي اللي باعوني
بسعر رخيص
علي حاجات ماتت بغنلها
=
يااااه
علي اللي قلبي
شافوا في زمانوا
علي ناس كتير
باعوا وخانوا
في أرض صحرا أنا برويها
يااااه
علي اللي قتلوا فيا الفرح
قطفوا وردي قبل الطرح
علي أيام ندمان عليها
==
أول مره أعيش حالتين
ناس شالوني في نن العين
وناس جرحوني سنين وسنين
=
جوا مني أيام فاتت
وجنب منها حاجات ماتت
اعيش إذاي انا بين الاتنين
=
أيام فاتت شفت فيها
الخيز والهنا
وحاجات ماتت بكت قلبي
مليون سنه
هتجنن أنا
..........
..........
حسن محمد على
ينتهى من الصراع بين
أيام فاتت
وحاجات ماتت
بالجنون
ليست هناك تعليقات:
إرسال تعليق