" منذوره الروحْ "
إلى شهداء الوطن الحبيب
إلى كل من قدم روحه قربان
من أجل الوطن الحبيب سوريا
إلى أرواحهم الطاهرة
***
لا تردد وتخاف الموت
محتوملك ابدا موته
اهجم عالموت يهابك
خلي راسك مرفوعه
استشهد لاجل ترابك
خالد بالقران مذكوره
***
صاحب حگك مطالب
ابوابك كلها مشروعه
ارثك بالتاريخ دروس
الايوبي الاقعقاع اعجوبه
يتعلم منها الناس
اجدادك امثال ومعروفه
***
جدك الحسين وحمزه
استغرب تترد معگوله
ارضك محتلها الطاغي
ينهب خيرك وتعوفه
شلون تغمض العين
ما تگولي تهنالك نومه
***
ملعون بكل لحظه
الي تحمل ويعيش بذله
معگوله تشرب تأكلْ
فهمني تهنالك لگمه
مدفع گدام ابوابك
ارض بلادك منهوبه
***
جلاد يمر يمك
وعيون اهلك معصوبه
وين ارثك والتاريخ
جاوبني ما ظل غيره
سجل اكتب بالدم
روحي لبلادي مرهونه
***
مرخوصه الروح وعمري
بس تظل الرايه منصوبه
ما تحمل ضيم واحد
حگك اهلي يبوگه
***
شعر
خالد عبد الجبار الفرج
ليست هناك تعليقات:
إرسال تعليق