حرفي بلاتمهيد:
تعال علمني باللي خاطرك وتريد
لاتظل ساكت ويتعب هذا حالي
ياملهم احساسي وحرف القصيد
كلمة الشوق والحنين وانت وبالي
مداد همسي لو ينكتب بدم الوريد
كان خطيته لاجل عينك ولاني مبالي
ياأول صباحي بشمسه ولحن وتغريد
طيب الأنفاس وصافي ماي نهر زلالي
المسا جوك وجوي ماله شبيه وفريد
يشد كل محب وقريب وهم عذالي
ريمتي سهم عينها وسط قلبي يصيد
مغموس غلاها بحشاي كنه ربع الخالي
هذا التشبيه يمكن يكون نادر وفريد
لأجل تظل بعيدة عن غيري وتصفالي
نبض شرياني هو ساعي لها وبريد
تحس برسالتي من يدق قلبها الغالي
تطلب مني شوق وأقول هل من مزيد
عندي نبع غلا جريانه مستمر وشلالي
عطني بالك هاللحظة واسمع المفيد
العين عينك والقلب قلبك وانت حلالي
كلمة تعال راح تظل بلساني وأعيد
ذاك القول يازين ترى شوفتك تحلالي
صباح الخير من تجي منك وانت بعيد
تسعد يومي وتنعش قلبي وتبيض فالي
أما مسا الخير يازينها ولاعني تحيد
معسول منطوقها وتنور ليلي ومجالي
الختام وقلب ماأنهي حرفي بلاتمهيد
كتبت بلاشعور ولكن من حلاك غلالي
@عزالدين الحميري@
ليست هناك تعليقات:
إرسال تعليق