الجرح مش دم سايل
الجرح مش دم سايل
تربطه بالشاش
أو غرزتين واتنسى
كأنه فات ومجاش
الجرح وشم بينطبع فى الروح
يفضل لهيب يشتعل
طول ما اللى صابه عاش
ملهش طب أبد
ولا طبيب يداويه
ممكن بيهدا ألالم
لكن محال ينحاش
الجرح ظلم الاحبه
والصحاب والناس
والوحده فى شدتك
ومرارة الاحساس
والحوجه بعد الغنى
للى بنيت له أساس
والدين على صفحتك
وجايبلك الكراس
وغدر أهل الثقه
لما باعوك ببلاش
أحمد محمود عوض سعيد
الرحامنة/فارسكور/دمياط
ليست هناك تعليقات:
إرسال تعليق