نزولا على رغبة بعض الأصدقاء ومنهم الأستاذ الفاضل والشاعر الجميل محمد عطيه. سأنشر قصيدة أنا اسفه
أنا أسفه
عشان البنت اللى حبت قبلى
وحابسه الفرحه ف عيونها
وكان جواها حلم كبير
وجالك قلب وتخونها
وكانت شايفه فيك الفارس
وتحمي أحلامها وتصونها
وتبقى على حبها حارس
اتارى بإيدك بتطعنها
وسهم الغدر كان نافذ
والضربه كات قاضيه
معقوله تكون فائز
واكون انا راضيه
أنا أسفه عشان حبيتك
وجوه القلب سكنتك
وكان عشك وكان بيتك
ولو أعرف إن دا طبعك
ما كنتش فى الحب جاريتك
وياريت القلب ماطاوعك
وياريتنى حتى مالقيتك
معقوله ابنى أحلامي
على أنقاض حبها المهدود
واشوف جرحها قدامي
ولا فيش دراع ممدود
ومين يضمن لى إخلاصك
وماتبعنيش
إذا كنت فاقد لإحساسك
وجالك قلب وتعيش
فاسمع منى بقولهالك
أنا اسفه.ماتلزمنيش
الشاعرة عبير حسن
ليست هناك تعليقات:
إرسال تعليق