.......... القلم المغلوب.....
انا القلم اللي ماسكينه
وعايزينه يكون كداب
انا الأمل اللي دام ليهم
وحبسينه في كل كتاب
بقيت تايه مابين حرفي
وعملولي العمل ف حجاب
ومش قادر اقول كلمه
يحسبوني أشد حساب
يقولوا اكتب اقول حاضر
وسجنوني مابين سرداب
اقول للبومه ياملكة
واقول على السم دا عناب
صبحت شيطان بصورة حد
وفاقد للأصول أنساب
ولوسألوني مين انته
بيكون الرد من الأرباب
وانا قاعد بلوم نفسي
واقول لزماني ليه قلاب
ولو مره رفضت اكتب
يخلوا الدنيا طين وهباب
اقوم وامسك على لساني
اخاف يغلط بدون اسباب
واخاف الحبر لو لطش
وسني من القلم يتساب
يقولوا عليا عاش عاصي
وعقلي من جناني غاب
وانا أملي اعيش مستور
وقلمي يبقى ليه مخلاب
واموت على كلمه ارضاها
بدون تجريحه فيها عتاب
ليست هناك تعليقات:
إرسال تعليق