الطيب والاميره اهداء الى البرنسيسه
حولوكى يا اميره
موج ونوه وريح يهاتى
حولوكى بحر عاتى
لما عرفوا ان شطك
شط رسيت فيه حياتى
وان ذاتك لما تحيا
تحيا ذاتى
صدقيتى لما اقولك
واما باحكى لامسياتى
انى طيب
وان طيبتى فرز واخد
من صفاتى
من براءتى..من طفولتى
من كتابتى ف كراساتى
واما كنت اشتاق بلاقى
حاجه فيكى محسسانى
انى عايم وانى غاطس
يعنى جوه الميه فارس
واما ييجى الضهر حامص
ارمى روحى ف وسط موجك
ينفردلى يكون حصيره
وتنادينى يا اميره
يللا خطى عند شطى
نخل يطرح ديدبانك
لسه فاكره يا اميره
بس لما حولوكى يا اميره
وانكشفلى سر تاجك ف البصيره
كل موجه بتجرى فيكى
مره تعلى مره توطى
مره تركب فوق حصانى
حولوكى صوروكى
لعبه تمت فى العصارى
مش حاتفرق لو يخضك
ديب بيعوى وللا تعلب
دا اللى اعجب ف اللى جايلك
فوق دماغه السلطانيه
قال حاضمك للحرملك
فا نسى اهلك وانسى شكلك
ما انتىوسط الخيه تايهه
حملوكى فوق ما طقتى
واما عند الكل هنتى
انفجرتى
وانفجارك فيه دوى
حولوكى ريح ونوه
والتقيتك بحر عاتى
شفت ذاتك
ذات بتفصل منها ذاتى
حتى شطك
لما رسيت فيه حياتى
كان تابوتى ..كان مماتى
الشاعر مغاورى كروش
ليست هناك تعليقات:
إرسال تعليق