كنز عمري:
ياكنز عمري داخل القلب حفظته
ماظنتي في غلاك يقولون خاسر
كل اللي مضى من كلامي لك ذللته
أنا اللي سموني عذالك طايش ومغامر
لو يردون باللي داخلي قلبه وخاصرته
كان صرت مضرب أمثال لهم وشاطر
أقفيت عن غيرك وبالوصل حضرته
لأجل ترتاح ويتطمن قلبك ولي يسامر
ماغبت لو لحظة ونظر عيني غمرته
الحشا مدهالك وبالقلب والعين حاضر
شديت حرفي وبمركب غلاك سيرته
عساك تلمه بموج حنانك وبيه تكابر
ياما سهرت ليالي وغرامك سطرته
في كل همسة وكلمة وحرفي يجاهر
ذاك القلب اللي داخلي ياما عاندته
أرجع مهزوم في شوقك وليلي ساهر
وش تريد بعد من هالغلا وحالي ملكته
أحس نبض قلبك وسهم عينك صياد ماهر
ذاك الخد والمبسم الضاحك بلوحاتي رسمته
سيطر على بالي واحساسي بغرامك عامر
حرثت بستان القلب والحشا بالود فرشته
عسى ينبت غلاك بيه وورد حنينك زاهر
@عزالدين الحميري@
ليست هناك تعليقات:
إرسال تعليق