البنى آدمين
عالارض كلنا كده عايشين
ويقولوا دول بنى آدمين
وخلقنا ربنا من طين
لعبادته ونقول له آمين
وننزلها كده مدفونين
و حسابنا ده فى يوم الدين
كان فيها كده من المساكين
وجبابرة وعتاة ظالمين
افتكروا ده فى يوم خالدين
فى ترابها صاروا بالملايين
فى حياتهم كان ايه عايزين
القوة والمال وبنين
واخرتها صاروا موحولين
فى ترابها وفى ميه وطين
وعليها كنا سايرين
ومن خيرها كنا واكلين
مش دايمة للبنى آدمين
نطلعها وننزل صاغرين
وكم عشنا ده سنين وسنين
وخلقنا رب العالمين
فى حياتنا كنا ظالمين
ممتدة كنا فاكرين
اتاريها حفرة فى الطين
يأمرها ده فى يوم الدين
لالاهنا نعبده ساجدين
والرحمة من ربى العظيم
اتعظوا وبلاش تصميم
ده الفجأة تدفن كده ملايين
ونسيبها وبدون تقديم
ولا ينفع فى ساعتها نديم
عالأرض كنا عايشين
ونزلنا كدم مدفونين
والأهل سابونا فى الطين
ولا قوة او مال نافعين
فى ترابها كل البنى آدمين
ينتظروا كده ده ليوم الدين.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق