قول يا قلم
أصرخ وقول يا قلم
اكتب لمين ولمين
اكتب لقلب إنجرح
ولا لقلب حزين
القلم زادت قوته
من بعد شد سنونو
عرف قيمة خطوته
عالسطر حروفو يقومو
يبقى كلام رنان
مسموع وله قيمة
يخش ف الوجدان
ولي معاني سليمه
لا عمر يوم ينحني
ولا فيوم هيطاطي
يعملو الف حساب
يكتب بحبرو كتاب
اكتب وقول يا قلم
وعلي ف الأفكار
اكتب لقلب إنجرح
وقلب تاني إحتار
واكتب فرحة جديدة
بحرفه وإنبهار
اكتب وقول يا قلم
اكتب كمان و كمان
بقلم ... حسين محمد صبرى
ليست هناك تعليقات:
إرسال تعليق