بتسأل من ورايا عليا
متخبية
قولى وصلت لايه
مسكت عليا ذلة
ولا عرفت الشلة
ولا السر بان وعايز كمان
تفشيه
تعبت نفسك على الفاضى
طبعك انت ودا العادى
هزعل من إيه
اسأل واطقس على كيفك
وصدق هواجسك وتخاريفك
فتش واسأل على كيفك
كل شيء ليك الحق فيه
بس النتيجة هتبقى فى
صالحى
عشان معنديش متخبى
واللى على لسانى هو فى
قلبى
لابزيد ولا بنقص فيه
كنت من البداية أنا
واضح
وكل حالى ليك شارح
كل شيئ كان ليك مشروح
وعشان جواك مش واضح
عملتلى شغاليل ومراجيح
وفاكرنى إنى مخبى عليك
هخبى إيه وهخبى ليه
كل إللى عندى دايما
صابح
جوا مني مفيش بايت
ولا فيش مكان اخزن فيه
إللى جواه عيب موجود
رد فعله عليه بيكون
مردود
والشرار بياكل بعضيه
اسأل عليا وزيد سؤالات
امشيها مراكز ومحطات
والكنز ياريتك توصل ليه
بس خليك بالزبون جاهز
وتظبط سعرك أنا عايز
مش عايزك بقى تتهاون فيه
من إبداعات
الشاعر
طه الروبى
ليست هناك تعليقات:
إرسال تعليق