تعبان:
تعبان والنوم فارق العين صدفه
مدري أرق ولا هو منتظر حضورك
ناشدت حرفي يطرب ويبان عزفه
يكون الهمس لأجل رضاك وسرورك
لاتسأل عن شريان القلب ولانزفه
ينتسى هالحال لو جيت وبان مرورك
ريمن تعودت أجاري كلامي ووصفه
في كل الأبيات ويالقلم كمل عبورك
ذاك اللي يشدني شلال شعره وزلفه
وأقول يازين حلاك من تنثر عطورك
بعض اللي حولك يجافي وقلوب غلفه
يظل نبض شرياني متواصل ويزورك
يرمي حالي الهموم والأحزان خلفه
أنسى كل اللي مضى من جفاك وجورك
باق عالعهد والقلب انت ونيسه وولفه
مايشدني غير دلالك وياحلاه غرورك
جرب هذا الحال بين سهاد العين وذرفه
للدمع ولا تمنيت لك يصيب بالك وشعورك
في ميدان الغلا وشرع الحب وسنه وعرفه
علمني صابك هالاحساس وخرجت عن طورك
المشاعر تجي وتروح والكلام مع صرفه
يستمدها بالي وينهل معانيها من بحورك
@عزالدين الحميري@
ليست هناك تعليقات:
إرسال تعليق