لاتجور:
ليه تخلي الخصام بين روحي وروحك
ويتعب حالي وحالك من قلة المرور
عينك صوب حرفي وتلب منه جروحك
تكابر في غيابك وتقول تراني صبور
تعال عطني تفسير للحال وطروحك
للي جرى وصار ولاتظن حالي مسرور
يعتلي احساسي صهوة خيالك وسفوحك
يابس العرق محتاج سيل يخضر الغور
تعودت في كل اللحظات دلع ومزوحك
بس الزعل والجفا ماله عندي شور
ياما كنت ظلك وصوب قلبي جنوحك
بارد لقلبك بالصيف ودفاك بالشتا وحرور
بانت لك أحوالي وهات تعابير وضوحك
ياعسى كلامي يمرك ويظل أيام وشهور
يرتاح البال من أشوف تعابيرك وشروحك
المهم يهل جوابك وتبريرك مابيه قصور
أريدك تصفن في كلامي ويطول سروحك
لأجل يبان شعوري تجاهك وحالك يزور
تاج الغلا مايحتاج أذكر مقامك وصروحك
انت اللي تشوفه لوحدك ولا يصيبك غرور
شبيه اللي زعل من أهله في غيابك ونزوحك
يدور الرجعة ويتدلل وهو تعبان ومقهور
النهاية في كل قصيدة أريد تسمعني بوحك
السكوت ماهو طريقك ولاتظل علي تجور
@عزالدين الحميري@
ليست هناك تعليقات:
إرسال تعليق